Kulandin i vebrig

Kulandin i vebrig

Ki bibliotekakiri vebrig šaj te vizitarine i biblioteka nonstop. Akate šaj te drabare obavestibe hem vestia bašo so ovela ko o razno biblioteke ko Orebro. Ki drzavno biblioteka isi but lila e čhavenge hem e pophurenge ko avera čhibja. Ki vebrig šaj te phrave tlo lično konto tle nabavibaskere kartakere gendea hem tle PIN-kodea. Palo odova ka dikhe savo nabavibe isi tut khere hem ko savo datum ka valjani te iranenpes. Isto šaj te kerelpe nevopozajmibe ja te rezervirinelpe taro avera biblioteke ko Orebro.
Ki Internacionalnikani biblioteka ko Stokholm isi isto jekh vebrig kote šaj te drabare e bibliotekakere vestia hem informacie bašo but lila ko avera čhibja.

Kulandin i biblioteka

Nabavin člansko karta
Bizolovengoro tano te nabavine člansko karta ki biblioteka. Le tuja jekh ID-karta hem ka pomožina tut. Kompjuteria hem wi-fi
Ki biblioteka isi pristup kompjuterenge hem bizokabelengoro Internet so šaj te kulandine te isi tut člansko karta ko disave taro e Orebroeskere biblioteke. Isto isi šaipe te printine hem te fotokopirine lila, pokjibaja jekh taksa.

Pozajmibaskere pravilia
Te harindžan iranibaja palal odova so pozajmindžan ka pokjine jekh taksa. Te našaldžan diso isto mora te pokjine jekh taksa.
Šaj te dobinelpe jekh opomena ki e-pošta ja sms disave dive angleder e iranibaskoro datum. Ipak korkoro sian odgovorno te setine tut keda tlo nabavibe ka iranelpe palal, bizi razlika te dobindžan jekh opomena ja na. Šaj te akhare ja te bičhale e-poštakoro haberi e bibliotekake te bisterdžan e iranibaskoro datum.

Rezervirin lila
Šaj te rezervirine lila taro razno biblioteke ko Orebro hem te odbirine te vazde olen ki savi biblioteka mangea . Akava šaj te kere ja phravibaja konto akate ki amari vebrig, ja te akhare ja te bičhale mejl e bibliotekake. Palo odova ka dobine haberi keda o lila šaj te vazde, tegani isi tut jekh kurko dive te vazde olen.